Ուկրաինան Թուրքիայի հետ 12 պայմանագիր կստորագրի Էրդողանի այցի ժամանակ

Փետրվարի 3-ին Ուկրաինան և Թուրքիան կստորագրեն 12 միջպետական համաձայնագիր, այդ թվում՝ Ազատ առևտրի գոտու մասին համաձայնագիրը. կառավարության նիստում ասել է Ուկրաինայի վարչապետ Դենիս Շմիգալը:

Նրա խոսքով` ստորագրված փաստաթղթերը նոր մակարդակի կբարձրացնեն երկու երկրների համագործակցությունը ինչպես տնտեսության, այնպես էլ բարձր տեխնոլոգիաների ոլորտում։

Նիստի ընթացքում Ուկրաինայի կառավարությունը հավանություն է տվել Թուրքիայի հետ ԱԱԳ համաձայնագրի նախագծին։

Նախօրեին Վլադիմիր Զելենսկին ասել էր, որ Ռեջեփ Թայիփ Էրդողանի` Կիև այցի ժամանակ Ուկրաինան պատրաստվում է Թուրքիայի հետ ստորագրել ազատ առևտրի գոտու մասին համաձայնագիրը։

Էրդողանն Ուկրաինա կայցելի այսօր` փետրվարի 3-ին: