Կենդանիներին սատկեցնում են, որ կենդանաբանական այգու տարածքն ազատեն ու էլիտար թաղամաս կառուցեն. ակցիա

Երևանի կենդանաբանական այգու դիմաց այսօր տեղի է ունեցել բողոքի ակցիա կենդանիների  շարունակվող անկման և ապաշնորհ կառավարման դեմ։

Այգու նախկին աշխատակից Անուշ Ռաֆայելյանը լրագրողների հետ զրույցում նշեց, որ կենդանաբանական այգում կրկնվում են կենդանիների զանգվածային անկումները և մասնագետների մասսայական հեռացումները։ Մեկ ամսվա ընթացքում աշխատակիցների 20-25%-ը հեռացվել է, նրանց մի մասին հեռացրել են, մյուսներին ստիպել սեփական դիմումով գնալ:

«Կենդանաբանական այգում ոչ կոմպետենտ մարդկանց են ընդունում աշխատանքի, փողոցից պատահական մարդկանց են բերում: Այգում էկոլոգ են ընդունել, որը զբաղվում է ռացիոններով ու կերերով, բայց չունի մասնագիտացում»,- ասաց Ռաֆայելյանը:

Նա տեղեկացրեց, որ անկել է 6 անգղ, իսկ նախկինում եղել են նաև սիբիրյան լուսանի, կուլանի անկումներ:

Մանրամասն՝ տեսանյութում։