Վերջին չորս տարիների ընթացքում ՀՀ ժուռնալիստների միությունը եղել է դիմադրության պատ. Սաթիկ Սեյրանյան

2018 թվականի իշխանափոխությունից հետո ոչ միայն թիրախավորվեցին լրատվամիջոցները, այլև պառակտվեց համայնքը: Այս մասին ժուռնալիստների միության համագումարին ասաց միության նախագահ Սաթիկ Սեյրանյանը:

«Իհարկե, Ժուռնալիսների միությունը կարողացավ որոշակի չափով համախմբել լրագրողներին իրավունքների հարցերով, սակայն, մեզ չի հաջողվել ամբողջովին ապահովել այդ համերաշխությունը, հատկապես հանրային այս բևեռացվածության պայմաններում:

Այսօր մենք՝ լրագրողներս ակամայից կատարում ենք ժողովրդավարության կամ դրա վերջին մնացուկների պաշտպանության առաքելությունը, ինչը, սակայն  պետք է իրականացներ մնալով մասնագիտական վարքագծի ու նորմերի շրջանակներում, դա չափազանց դժվար է: Այս չորս տարիների ընթացքում ՀՀ ժուռնալիստների միությունը եղել է դիմադրության պատ, այո, մենք թերացումներ, բայց մենք ստիպված ենք ոչ թե ստեղծագործական աշխատանքներով զբաղվել, այլ դիմադրել և պայքարել, այստեղ բախվում են քաղաքացին և մասնագիտությունը, պետք է կարողանանք այս ներդաշնակությունը պահպանել: