Իշխան Սաղաթելյանը հանդիպել է ՀՅԴ «Նիկոլ Աղբալյան» ուսանողական միության անդամներին

Այսօր ՀՅԴ Հայաստանի Գերագույն մարմնի ներկայացուցիչ, Հայաստանի Հանրապետության Ազգային ժողովի փոխնախագահ Իշխան Սաղաթելյանը հանդիպել է ՀՅԴ «Նիկոլ Աղբալյան» ուսանողական միության անդամների հետ:

Հանդիպման ընթացքում քննարկում է ծավալվել երկրում տիրող իրավիճակի և դրանից դուրս գալու հնարավոր ելքերի վերաբերյալ։

Իշխան Սաղաթելյանը խոսել է ապազգային և ապաշնորհ իշխանության դեմ ծավալվող պայքարի մասին, արձանագրել ինչպես հաջողությունները, այնպես էլ բացթողումները։

ՀԳՄ ներկայացուցիչը ներկայացրել է Դիմադրության շարժման էությունը, ընթացիկ և առաջիկա անելիքների մասով Դաշնակցության պատկերացումները, խոսել երկրում առկա խորքային խնդիրների, Հայաստանի թուրքացման սպառնալիքի, Արցախի շուրջ տեղի ունեցող գործընթացների մասին։

Ի. Սաղաթելյանը պատասխանել է նաև ուսանողներին հուզող բազմաթիվ հարցերին, որոնք առնչվել են հայրենիքի ճակատագրին։