Մակնշման պայմանը պետք է կիրառվի արտադրողի վրա, որովհետև սպիտակ զանգվածի մեջ ինչ զիբիլ ասես լցված է․ Խաչատրյան

Էկոնոմիկայի նախարարության կանխատեսումը ողջամտության սահմանից անդին էր, ինչը ցույց տվեցին այսօրվա արդյունքները։ Այս մասին ԱԺ-ում ասաց «Հայաստան» խմբակցության պատգամավոր Արթուր Խաչատրյանը։

Կաթնամթերքի բնական և արհեստական հավելումների վերաբերյալ նա ասաց․ «Կաթնամթերք արտադրող շատ ընկերություններ կաթ մթերելու փոխարեն գնում են յուղազրկված կաթի փոշի, որպեսզի յուղայնությունը պահպանեն, արմավենու յուղ են ավելացնում։ Սպառողների շահերից ելնելով՝ մակնշման պայմանը պետք է առաջին հերթին կիրառվի արտադրողի վրա և ոչ միայն՝ օրենսդրական պահանջ, այլև դրան հետևեն, որովհետև այդ նույն սպիտակ զանգվածը, որի մեջ ինչ զիբիլ ասես լցված է, պետք է գնա սուպերմարկերտներ և մակնշվի, բայց փոքր խանութներում, որտեղից օգտվում են հիմնական գնորդները, այդտեղ չի մակնշվում։ Այսինքն՝ պետք է  արտադրանքի վրա լինի»,- ասաց Խաչատրյանը։

Մանրամասն՝ տեսանյութում։