Եթե գործազրկությամբ մենք առաջին տեղում ենք, ինչպե՞ս կարելի է ասել, որ մեր տնտեսության վիճակը լավ է

Մենք մեր հարաբերություններից թուրքերի հետ դասեր քաղել ենք և հիմա ձեզ կոչ ենք անում՝ մեր քաղած դասերից օգտվեք․ Ազգային ժողովում ելույթի ժամանակ ասաց «Հայաստան» խմբակցության պատգամավոր Արթուր Խաչատրյանը։

«Կարծում եմ՝ սրա համար ուղղակի պետք է շնորհակալություն հայտնել, որ թուրքերն իրենց հարաբերությունները Հայաստանի հետ մեծապես պայմանավորում են Հայաստան-Ադրբեջան, Արցախ-Ադրբեջան հարաբերություններով, և զարմանալի չէ, որ հայ-թուրքական սահմանն իրենք փակեցին 93 թվականի ապրիլին, երբ հայկական ուժերն ազատագրեցին Քարվաճառը։ Եվ հիմա էլ իրենց բոլոր նախապայմանների մեջ նշում են, որ Հայաստանը պետք է ճանաչի Ադրբեջանի տարածքային ամբողջականությունը, եթե ուզում են թուրքերի հետ նորմալ հարաբերություններ ունենալ։ Դա ինչ է, եթե ոչ՝ նախապայման»,- ասաց նա։

Ինչ վերաբերում է տնտեսությանը, պատգամավորը նշեց, որ մենք, Համաշխարհային բանկի վիճակագրությամբ, նախկին սովետական 15 հանրապետությունների մեջ Հայաստանը գործազրկության մակարդակով զբաղեցնում է առաջին տեղը, ինչպե՞ս կարելի է ասել, որ մեր տնտեսության վիճակը լավ է։