Փոքր և միջին ջրամբարների կառուցման ծրագրի աշխատանքների հարցով աշխատանքային խումբ է ստեղծվել. ով է այն գլխավորելու

Վարչապետ Նիկոլ Փաշինյանի որոշմամբ, Փոքր և միջին ջրամբարների կառուցման ծրագրի աշխատանքների նպատակով աշխատանքային խումբ է ստեղծվել: Խումբը կգլխավորի վարչապետի խորհրդական Արտաշես Թումանյանը:

Որոշման մեջ ասվում է. 

«Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով և համաձայն Հայաստանի Հանրապետության վարչապետի 2018 թվականի մայիսի 25-ի N 564-Լ որոշման N 1 հավելվածի 20-րդ կետի 5-րդ ենթակետի՝

1. Փոքր և միջին ջրամբարների կառուցման ծրագրի աշխատանքների արդյունավետ իրականացման նպատակով ստեղծել աշխատանքային խումբ և հաստատել դրա անհատական կազմը՝ համաձայն հավելվածի:

2. Աշխատանքային խմբի ղեկավարին՝ եռամսյա պարբերականությամբ Հայաստանի Հանրապետության վարչապետին ներկայացնել տեղեկատվություն աշխատանքային խմբի կատարած աշխատանքների վերաբերյալ»: