ՆԱՏՕ-ն արտահերթ նիստ կանցկացնի Ռուսաստանի պահանջների պատճառով

ՆԱՏՕ-ի ԱԳ նախարարները հունվարի 7-ին արտակարգ տեսակոնֆերանս կանցկացնեն՝ քննարկելու համար եվրոպական անվտանգության վերաբերյալ Ռուսաստանի պահանջները։ Այս մասին հաղորդվում է դաշինքի Twitter-ում։

«ՆԱՏՕ-ի արտգործնախարարների արտահերթ հանդիպումը վիրտուալ ձևաչափով տեղի կունենա ուրբաթ օրը՝ հունվարի 7-ին»,- ասվում է հաղորդագրության մեջ։

Հունվարի 12-ին տեղի կունենա Ռուսաստան-ՆԱՏՕ խորհրդի նիստը։

Ավելի վաղ ԱՄՆ-ում ՌԴ դեսպան Անատոլի Անտոնովը ՆԱՏՕ-ին խորհուրդ էր տվել հրատապ միջոցներ ձեռնարկել անվտանգության ապահովման համար, քանի որ Արևմուտքի կողմից Ռուսաստանի համար ռազմական սպառնալիքներ ստեղծելու քաղաքականության շարունակությունը պատասխան կունենա: