Մոտ 340 բեռնատարներ վատ եղանակի պատճառով մնացել են Վրաստանի ռազմական ճանապարհին

Մոտ 340 բեռնատարներ մնացել են Վրաստանի ռազմական ճանապարհին, որը վատ եղանակի պատճառով կիրակի օրվանից փակ է ծանր բեռնատարների համար, հայտնում է «ՌԻԱ Նովոստին»՝ հղում անելով ՌԴ ԱԻՆ մամուլի ծառայությանը։

Նշվում է, որ հունվարի 2-ից եղանակային պայմանների վատթարացման պատճառով Վլադիկավկազ քաղաքի՝ Վերին Լարս բնակավայրի հատվածում՝ Ռուսաստանի Դաշնությունից ելքի ուղղությամբ, արգելվում է ծանր մեքենաների տեղաշարժը։

«Վրացական ռազմական ճանապարհի երթեւեկության վերականգնմանը սպասում են 340 ծանր բեռնատարներ»,- ասվում է հաղորդագրության մեջ։

Նշվում է, որ Հյուսիսային Օսիայում ՌԴ ԱԻՆ-ի ուժերով վարորդների համար Վերին Լարսի անցակետի մոտ ջեռուցման կետ է տեղադրվել, որտեղ նրանք կարող են տաքանալ, թեյ խմել եւ բջջային սարքեր լիցքավորել։