Պուտինը Էրդողանի հետ քննարկել է անվտանգության երաշխիքների վերաբերյալ առաջարկները, նաև՝ Անդրկովկասը

Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Մոսկվայի՝ անվտանգության երաշխիքների վերաբերյալ  առաջարկները։ Այս մասին հայտնում է Կրեմլի մամուլի ծառայությունը։

«Շոշափվել են նաև միջազգային թեմաներ, այդ թվում՝ Ռուսաստանի անվտանգությունը երաշխավորող՝ իրավական ձևակերպված համաձայնագրերի մշակման հայտնի առաջարկները»,- ասվում է հաղորդագրության մեջ։

Նախագահները քննարկել են նաև Անդրկովկասում տիրող իրավիճակը, սիրիական և լիբիական կարգավորման հարցերը, Ռուսաստանի և Թուրքիայի միջև երկկողմ համագործակցության և հետագա փոխշահավետ գործընկերության արդյունքները։