Ադրբեջանը պատրաստվում է «խաղաղության». օկուպացված Հադրութի զորամասի քարտեզում Սյունիքի հարավային մասն արդեն ադրբեջանական է

Օրերս Ադրբեջանի նախագահ Իլհամ Ալիևը դարձյալ այցելել էր իրենց կողմից օկուպացված Արցախի տարբեր շրջաններ։ Այցի ընթացքում նա ներկա է եղել նաև Հադրութի զորամասի «բացմանը»: Տարածված լուսանկարներից մեկում պատկերված է Ադրբեջանի «քարտեզը», որում, բացի նրանից, որ օկուպացված է ներկայացվում ամբողջ Արցախը, օկուպացված է նաև Հայաստանի հարավը` Մեղրու շրջանը, որտեղով, շնորհիվ փաշինյանական ջանքերի, անցնելու է Նախիջևանը Ադրբեջանին կապող միջանցքը (անցնելու է նաև Արցախի օկուպացված հարավով):

Այսպես՝ մինչ փաշինյանական խունտան ամեն հնարավոր զիջումներ անում է, որպեսզի բարիդրացիություն ու խաղաղություն հաստատի Թուրքիայի և Ադրբեջանի հետ, թշնամական պետություններում պատրաստվում են տարածաշրջանում իրենց պատկերացրած «խաղաղության դարաշրջանը» հաստատել։