Աքարը հաստատել է Ռուսաստանի և Ուկրաինայի միջև միջնորդ դառնալու՝ Թուրքիայի պատրաստակամությունը

Մենք հանդես ենք գալիս խաղաղ ճանապարհով, բանակցությունների միջոցով Ռուսաստանի և Ուկրաինայի, Ռուսաստանի և ՆԱՏՕ-ի միջև լարվածության հնարավորինս շուտ հանգուցալուծման, բարգավաճման և կայունության մթնոլորտի ստեղծման օգտին. երկուշաբթի հայտարարել է Թուրքիայի ազգային պաշտպանության նախարար Հուլուսի Աքարը Թուրքիայի զինված ուժերի գլխավոր շտաբի պետ Յաշար Գյուլերի և զորամիավորումների հրամանատարների մասնակցությամբ հանդիպման ժամանակ։

Նա նշել է, որ Թուրքիան պատրաստ է ամեն տեսակի աջակցություն ցուցաբերել այս հարցում։ «Մենք կարծում ենք, որ կողմերը պետք է խուսափեն առճակատումից և հիմնվեն միջազգային իրավունքի վրա։ Մենք մեր դիրքորոշումը հայտնում ենք բոլոր կողմերին։ Կք կարծում ենք, որ տարածաշրջանի երկրները պետք է ձգտեն խաղաղության և կայունության։ Անկարան պատրաստ է իր ներդրումն ունենալ այս գործում»,- ասել է Աքարը:

Նա ուշադրություն է հրավիրել Սևծովյան տարածաշրջանում վերջին սրացման վրա՝ ընդգծելով, որ Անկարան դեմ է ճգնաժամային գործընթացներին։