Բայդենը հանձնարարել է չորս շաբաթում կանխել Ռուսաստանի «ներխուժումն» Ուկրաինա. CNN

CNN-ի աղբյուրների համաձայն՝ ԱՄՆ նախագահ Ջո Բայդենը  իր ենթականերին հրահանգել է չորս շաբաթում կանխել Ռուսաստանի ենթադրյալ «ներխուժումն» Ուկրաինա։

Հեռուստաալիքը պնդում է, որ ԱՄՆ նախագահը հանձնարարել է իր թիմին՝  կիրառել բոլոր հնարավոր գործիքները՝ Ռուսաստանին  Ուկրաինա ենթադրյալ «ներխուժումից» հետ պահելու համար։

«Մեր գործողությունները շատ հաշվարկված են։ Բայց այս պահից մենք ունենք ընդամենը գրեթե չորս շաբաթ»,- ասել է ԱՄՆ բարձրաստիճան, անանուն պաշտոնյան:

Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան «կեղծ տեղեկություններ» էր որակել Ուկրաինայի վրա հարձակվելու՝ Ռուսաստանի ցանկության մասին։

Բայդենը պնդում էր, որ ԱՄՆ-ը զորք կուղարկի ՆԱՏՕ-ի երկրներ, եթե Ռուսաստանը ներխուժի Ուկրաինա:

Ռուսաստանի նախագահ Վլադիմիր Պուտինը Ուկրաինայի վրա ռուսական հնարավոր «հարձակման» հարցը որպես սադրիչ է որակել։ Ըստ նրա՝ Ռուսաստանը խաղաղ արտաքին քաղաքականություն է վարում և իրավունք ունի ապահովելու իր անվտանգությունը։