Թրամփի 30 միլիոն զինված կողմնակիցները պատրաստ են տապալել Բայդենին. ամերիկացի փորձագետ

MSNBC-ի վերլուծաբան Ջոն Հեյլեմանը ցնցել է ամերիկացիներին՝ հայտարարելով, որ նախագահ Ջո Բայդենին պաշտոնանկ անելու համար «20-30 միլիոն մարդ պատրաստ է զենք վերցնել»։

«Կա ուսումնասիրություն, որը ցույց է տալիս, որ մոտ 8%-ը և միգուցե մինչև 12%-ն ասում է, որ Ջո Բայդենը ոչ լեգիտիմ է, և որ բռնությունը ճիշտ գործիք է նրան հեռացնելու և Դոնալդ Թրամփին հետ բերելու համար։ 20-30 միլիոն մարդ է»,- ասել է  Հեյլեմանը` պնդելով, որ մարդիկ պատրաստ են զենք վերցնել։

«Նրանք Թրամփի կողմնակիցներն են և ներկայացնում են զանգվածային շարժում՝ հօգուտ քաղաքական բռնության» հավելել է նա։

Միևնույն ժամանակ, քաղաքական լրագրող և MSNBC-ի հաղորդավար Չակ Թոդը The Atlantic-ի նոր հոդվածում գրում է. «Թրամփի հեղաշրջումն արդեն սկսվել է»։

Նշվում է, որ Թրամփի հեղաշրջումն ավելի շատ հենվելու է սաբոտաժի, քան բռնության վրա, իսկ հունվարի 6-ին Կոնգրեսի վրա հարձակումը նախկին նախագահի համար վարժանք էր։