Արմեն Չարչյանը, Մխիթար Զաքարյանը և Արթուր Սարգսյանն ազատ կարձակվեն. «Հայաստան» դաշինքի հայտարարությունը

«Հայաստան» դաշինքի խորհրդարանական խմբակցության երեք պատգամավոր ազատ կարձակվի:

Քիչ առաջ Սահմանադրական դատարանը հրապարակեց պատգամավորների անձեռնմխելիության վերաբերյալ որոշումը: Սահմանադրական դատարանը, ըստ էության, արձանագրեց, որ անազատության մեջ գտնվող պատգամավորի կարգավիճակ չունեցող անձը պատգամավորի կարգավիճակ ձեռք բերելու պահից չի կարող պահվել անազատության մեջ:

Սահմանադրական դատարանի այս որոշումից հետո անհապաղ պետք է փոխվի մեր երեք գործընկերների՝ Արմեն Չարչյանի, Մխիթար Զաքարյանի և Արթուր Սարգսյանի խափանման միջոց կալանքը, և նրանք պետք է ազատ արձակվեն:

Հայաստան դաշինք

09.12.2021

Հիշեցնենք, որ հունիսի 20-ի ընտրություններից հետո ապօրինի կալանավորված են «Հայաստան» խմբակցության պատգամավորներ Մխիթար Զաքարյանը, Արթուր Սարգսյանը և Արմեն Չարչյանը: