Տրամաբանական կլիներ, որ ՊՈԱԿ-ներին վերաբերող նախագիծը արդարադատության նախարարությունը բերեր․ պատգամավոր

Կառավարության նախագիծը հնարավորություն է տալիս, որ մարդիկ նշանակվեն ՊՈԱԿ-ների ղեկավարներ, որոնք չունեն մասնագիտական աշխատանքի փորձ․ Ազգային ժողովում ելույթի ժամանակ ասաց «Հայաստան» խմբակցության պատգամավոր Աղվան Վարդանյանը՝ անդրադառնալով ՊՈԱԿ-ների մասին օրենքին։

«Մենք ունենք հետևյալ պատկերը՝ բերվել է օրենքի նախագիծ, չգիտես ինչու՝ շրջակա միջավայրի նախարարության կողմից, երբ տրամաբանական կլիներ, որ ՊՈԱԿ-ներին վերաբերող օրենքի նախագիծը գոնե արդարադատության նախարարությունը ներկայացներ։ Կարծում եմ, որ ենթատեքստը հասկանալի է, և այս օրենքով ոչ թե ընդլայնում է շրջանակը, այլ․․․ Նախկին գործող օրենքով ՊՈԱԿ-ի տնօրեն նշանակելու համար մարդը պետք է ունենար մասնագիտական աշխատանքի ստաժ, մեր կառավարությունը բերել է օրենքի նախագիծ, որով մասնագիտական աշխատանքի ստաժը փոխարինել է ընդամենը համապատասխան բնագավառի աշխատանքային ստաժով»,- ասաց պատգամավորը։  

Ավելին՝ տեսանյութով։