Էրդողանը բացատրել է, թե ինչ է կատարվում երկրի տնտեսության և լիրայի հետ

Էրդողանը նեղ շրջանակում բացատրել է, թե ինչ է կատարվում տնտեսության և լիրայի հետ:

Թուրքիայի նախագահի խոսքով՝ Թուրքիան տնտեսության մեջ նոր դարաշրջան է սկսել։ «Մեր նպատակն է ավելացնել արտադրությունը Թուրքիայում և այն դուրս բերել տոկոսադրույքների ճնշման տակից։ Մեր արտադրանքով գրավելու ենք օտարերկրյա ներդրողների ուշադրությունը։ Այդպես է մեծացել Չինաստանը։ Բայց մենք ավելի մոտ ենք շուկային, մենք ավելի շահութաբեր ենք»,- ասել է Էրդողանը։

Նա նաեւ նշել է, որ կառավարությունը բարդ ճանապարհ է ընտրել, սակայն 6 ամսից արդյունքներ կլինեն։ «Մեր քաղաքացիների բարեկեցության մակարդակը կավելանա, նրանց գնողունակությունը կբարձրանա»,- հավելել է Էրդողանը, որի այս խոսքերը հրապարակվել են Hürriyet թերթում։

Թուրքիայի նախագահը նման հայտարարություններ է արել իշխող կուսակցության Կենտրոնական գործադիր խորհրդի նիստում։