Օմիկրոն շտամը գրանցած մի շարք երկրներից եկող քաղաքացիների համար սահմանափակումներ կկիրառվեն. Ավանեսյան

Կորոնավիրուսի նոր՝ «օմիկրոն» շտամը տարածվում է արագորեն, ուսումնասիրությունները շարունակվում են։ Այս մասին այսօր կայացած մամուլի ասուլիսում հայտարարեց ՀՀ առողջապահության նախարար Անահիտ Ավանեսյանը:

«ՀՀ-ում դրա տարածումը կանխարգելելու համար սահմանափակումներ կկիրառվեն։ Մենք, հետևելով ԱՀԿ հաղորդագրություններին, նախատեսում ենք որոշ սահմանափակող միջոցառումներ կիրառել տվյալ երկրներից եկող քաղաքացիների համար»,- ասաց նա։

Նախարարի խոսքով՝ Հարավաֆրիկյան Հանրապետությունից, Բոստվանայի Հանրապետությունից, Լեսոտոյի Թագավորությունից, Նամիբիայի Հանրապետությունից, Զիմբաբվեի Հանրապետությունից, Մոզամբիկի Հանրապետությունից,  Մադագասկարից և Տանզանիայից քաղաքացիների ժամանակավոր մուտքը ՀՀ կսահմանափակվի։