Հակասահմանադրական գործ պաշտպանող դատախազը հիմա էլ դատավոր կաշխատի

ՀՀ նախագահ Արմեն Սարգսյանի հրամանագրով Կարեն Բիշարյանը նշանակվել է Վերաքննիչ քրեական դատարանի դատավոր:

«Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2021 թվականի նոյեմբերի 22-ի ԲԴԽ-99-Ո-282 որոշմամբ ներկայացված առաջարկությունը.

Կարեն Բիշարյանին նշանակել վերաքննիչ քրեական դատարանի դատավոր», - նշված է հրամանագրում։

Հիշեցնենք՝ Կարեն Բիշարյանը ՀՀ երկրորդ նախագահ Ռոբերտ Քոչարյանի, գեներալ-գնդապետներ Յուրի Խաչատուրովի, Սեյրան Օհանյանի, ՀՀ նախկին փոխվարչապետ Արմեն Գևորգյանի գործով մեղադրող դատախազներից էր։ 3 տարվա մեղադրանքից հետո պարզվեց գործը հակասահմանադրական է։ Մնում է ենթադրել, թե ինչպիսի «արդարամիտ» դատավոր է նա լինելու, եթե պաշտպանում էր հակասահմանադրական մեղադրանք։