Իշխանությունը ազգային խնդիրներ քննարկող և այդ գիծը պաշտպանող հեռուստաընկերության գործունեությունը վտանգավոր է համարում. Թևանյանը՝ «Երկիր Մեդիայի»` լիցենզիա չստանալու մասին

«Երկիր Մեդիայի» գործունեության դադարեցումը նույն պրոթուրքական և հակահայկական քաղաքականության շրջանակներում է, որը բնութագարական է Նիկոլ Փաշինայնին։ Այս մասին Yerkir.am-ի հետ զրույցում ասաց ՀՀ ԱԺ «Հայաստան» խմբակցության պատգամավոր Անդրանիկ Թևանյանը:

«Իրենք ազգային խնդիրներ քննարկող և այդ գիծը պաշտպանող հեռուստաընկերության գործունեությունը իրենց համար վտանգավոր են համարում և այս պայմաններում, երբ Ղարաբաղն են ճանաչում ադրբեջանական, ուրանում են հայոց ցեղասպանության խնդրի հետապնդումը և վարում են հակապետական քաղաքականություն, ի՞նչ մի զարմանալու բան կա, որ «Երկիր Մեդիան» պետք է փորձեն փակել։ Բոլոր խնդիրների լուծումը գտնվում է մեր քաղաքական դաշտում։ Քանի Նիկոլ Փաշինյանը իշխանության է՝ այս տիպի խնդիրներ ունենալու ենք ու կանգնելու ենք պետականության կորստի արջև։ Հետևաբար այս տիպի բոլոր հարցերի լուծումը ներքաղաքական դաշտում պետք է լուծենք»,- ասաց պատգամավորը: