Հայաստանում մեկ օրում մահացել է 59 մարդ. հաստատվել է կորոնավիրուսային հիվանդության 675 նոր դեպք

Նոյեմբերի 26-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 337 005 դեպք, որոնցից 312 617-ն` առողջացած: Կորոնավիրուսային հիվանդությամբ այս պահին փաստացի բուժում է ստանում 15498 պացիենտ, հայտնում են ԱՆ-ից:

Այսպիսով` երեկ կատարվել է 7745 թեստավորում, որից հաստատվել է կորոնավիրուսային հիվանդության 675 նոր դեպք: Ունենք 1539 առողջացած, 40 մահվան դեպք: Ընդհանուր առմամբ, կորոնավիրուսի հետևանքով 7459 մահվան դեպք է արձանագրվել:

Նախորդ օրը արձանագրվել նաև մահվան 19 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Մահվան նման դեպքերի ընդհանուր թիվը 1431 է:

Մեկ օրում Հայաստանում մահացել է 59 կորոնավարակակիր:

Ընդհանուր կատարվել է 2 342 246 թեստավորում: