Հայաստանը պետք է ընդունի Թուրքիայի և Ադրբեջանի նախագահների՝ բարեկամության առաջարկը. Թուրքիայի ՊՆ ղեկավար

Ադրբեջանի և Թուրքիայի միջև դաշինքի մասին «Շուշիի հռչակագիրը» պատմական քայլ էր.  Թուրքիայի Ազգային մեծ ժողովում հաջորդ տարվա բյուջեի քննարկումների ժամանակ ասել է Թուրքիայի ազգային պաշտպանության նախարար Հուլուսի Աքարը։

«Շուշիի հռչակագիրը» մեծ նշանակություն ունի ոչ միայն երկու երկրների, այլև ամբողջ Կովկասի զարգացման ու կայունության համար։ Հայաստանը պետք է ընդունի Թուրքիայի և Ադրբեջանի նախագահների՝ խաղաղության և բարեկամության առաջարկը, օգտվի բացվող հնարավորություններից, այդ թվում՝ «վեցյակի հարթակի» շրջանակներում մեր առաջարկներից։ Մենք մեր ադրբեջանցի եղբայրների կողքին կլինենք թե՛ վշտի, թե՛ ուրախության մեջ՝ «Երկու պետություն, մեկ ազգ» կարգախոսով»,- նշել է Աքարը: