«Նա պետք է ազատ լինի և պաշտպանված». նախկին պատգամավորը կոչ է անում ոտքի կանգնել՝ ի շահ ադրբեջանցիների վրա նռնակ նետած արցախցու, որին ռուսները ձերբակալել են

Ազգային ժողովի նախկին պատգամավոր Սոֆա Հովսեփյանը կոչ է անում ադրբեջանցիների վրա այսօր նռնակ նետած արցախցու համար միասնական լինել:

«Հուսամ վրիժառու տղային ի պաշտպանություն ոտքի կկանգնեք բոլորդ։ Չպետք է թույլ տանք, որ տղային ռուսական կողմը դատապարտի կամ արտահանձնի Ադրբեջանին։ Տղան այսօր պետք է ազատության մեջ գտնվի և դա է արդարությունը», - ֆեյսբուքյան իր էջում գրել է նա:

Հովսեփյանն ընդգծել է՝ քանի դեռ խաղաղ բնակչին գնդակահարողները, նվաստացնողներն ազատ են, ապա վրիժառուն պետք է ազատ լինի և պաշտպանված:

Նա հավելել է, որ այս պահին դեռ որոշակիություն չկա, սակայն կոչը նրա համար է, որ եթե խնդիր լինի՝ միասնականության ցուցաբերել: