Վահագն Սարգսյանը նշանակվել է Գրականության և արվեստի թանգարանի տնօրեն

ՀՀ ԿԳՄՍ նախարարի հրամանով Եղիշե Չարենցի անվան Գրականության և արվեստի թանգարանի տնօրեն է նշանակվել բանասիրական գիտությունների թեկնածու Վահագն Սարգսյանը: Մինչ այս նա զբաղեցնում էր «Հայաստան» հրատարակչության տնօրենի պաշտոնը:

Նշենք, որ Գրականության և արվեստի թանգարանը հանրապետության ամենախոշոր թանգարաններից մեկն է, ունի տարբեր ուղղվածությամբ բաժիններ: Թանգարանի տնօրինության տակ են գտնվում Դսեղում՝ Հովհաննես Թումանյանի, Գորիսում՝ Ակսել Բակունցի, Աշտարակում՝ Պերճ Պռոշյանի, Երևանում՝ Դերենիկ Դեմիրճյանի, Սիլվա Կապուիկյանի և այլ մշակույթի երախտավորների թանգարաններ:

Վահագն Սարգսյանը ՀԽՍՀ մշակույթի վաստակավոր գործիչ, ՀԽՍՀ պետական մրցանակի դափնեկիր, ԼՂՀ պետական մրցանակի դափնեկիր և ԽՍՀՄ գրողների միության անդամ, հայ բանաստեղծ և արձակագիր Մկրտիչ Սարգսյանի որդին է: