Թուրքիայի նախկին վարչապետ Դավութօղլուն խոսել է Էրդողանի գրասենյակում «սորոսականների» առկայության մասին

Թուրքիայի նախկին վարչապետ, ընդդիմադիր «Ապագա» կուսակցության առաջնորդ Ահմեդ Դավութօղլուն ասել է, որ Թուրքիայի նախագահի աշխատակազմում կան խորհրդականներ, որոնք անմիջական կապի մեջ են Ջորջ Սորոսի հետ. հայտնում է Sozcu-ն։

«Բեշթեփեում քանի՞ խորհրդականներ նախկինում մտերիմ հարաբերություններ են ունեցել Սորոսի հետ: Թող ընդլայնեն հետաքննությունը, քանի որ կան խորհրդականներ, որոնք անմիջական առնչություն ունեն Սորոսի հետ և աշխատել են նրա հետ»,- ասել է Դավութօղլուն։

Հիշեցնենք, որ վերջերս Թուրքիայի ընդդիմությունը մեղադրել էր նաև Էրդողանին ամերիկացի միլիարդատեր Ջորջ Սորոսի հետ ժամանակին սերտ կապեր ունենալու մեջ: