Թուրքիան պատրաստվում է Սիրիայում քրդերի դեմ չորրորդ և ամենահզոր հարձակմանը. Haber 7

Թուրքիան սկսել է նախապատրաստվել Սիրիայի Արաբական Հանրապետությունում հզոր հարձակման։ Այս հաղորդագրությունը տարածել է Haber 7 տեղեկատվական ռեսուրսը, որի աղբյուրների համաձայն՝ բացի զինվորականներից, Անկարան մտադիր է օգտվել թուրքամետ զինյալների ծառայությունից։ Չորրորդ ռազմական գործողությանը կմասնակցի 35 հազար մարդ։

Նշվում է, որ նոր օպերացիան ուղղված է Սիրիայում քուրդ զինյալներին ոչնչացնելուն։ Նրանք տեղակայվել են Հասակա, Ռաքքա և Հալեպի նահանգների յոթ շրջաններում:

Նյութում ասվում է, որ թուրքական զորքերը կանեն ամեն ինչ՝ ԱՄՆ-ի և Ռուսաստանի հետ հնարավոր հակամարտություններից խուսափելու համար։ Անկարան մտադիր է զգույշ գործել Սիրիայում․ Թուրքիայի ռազմաօդային ուժերը քրդերին հարվածելու են ծայրահեղ ճշգրտությամբ: