Էրդողանը կոչ է արել Իրանին՝ առաջնորդվել ողջախոհությամբ, և խնդիր չի ունենա Ադրբեջանի հետ

Մենք հուսով ենք, որ Իրանը խելամիտ կգործի։ Այդ դեպքում նա Ադրբեջանի հետ ոչ մի խնդիր չի ունենա. ըստ Haber Global-ի՝ Ադրբեջանից վերադառնալուց հետո լրագրողներին ասել է Թուրքիայի նախագահ Ռեջեփ Թայիփ Էրդողանը։

Նրա խոսքով` Ադրբեջանի ղեկավար Իլհամ Ալիևը կատեգորիկ դիրքորոշում է ընդունել և ոչ մի զիջման չի գնում։

«Ոչ մի զիջում չի արվում. մենք կարող ենք ցանկացած առևտուր իրականացնել Իսրայելի հետ. մենք Իսրայելի հետ ունենք նույն կապերը, ինչ տարբեր այլ երկրների հետ, և դրանք կշարունակվեն ապագայում»,- մեջբերել է նա Ադրբեջանի նախագահի խոսքերը։

Անդրադառնալով Իրանին՝ Էրդողանը նշել է, որ այս հարցերում երկրները չպետք է և չեն կարող ազդել միմյանց որոշումների մեխանիզմների վրա։