Իսրայելը կրկին մշակում է Իրանի դեմ հարվածներ

Իսրայելի ռազմաօդային ուժերը վերադարձել են Իրանի միջուկային օբյեկտների վրա հնարավոր հարձակման նախապատրաստմանը։ Այս մասին հայտնել է իսրայելական 12-րդ ալիքը։

Ըստ հաղորդման՝ ՑԱԽԱԼ-ը երկու տարուց ավելի նման զորավարժություններով և վարժանքներով չի զբաղվում: Այնուամենայնիվ, վերջին օրերին Իսրայելի պաշտպանության բանակի շտաբի պետ Ավիվ Կոհավին մի քանի քննարկումներ է անցկացրել և հանձնարարել կենտրոնանալ հետախուզական տվյալների հավաքագրման, իրական օպերատիվ պլանների մշակման և այդ պլանների հիման վրա զորավարժությունների անցկացման վրա:

Առաջիկա տարում Իսրայելի պաշտպանության բանակը, մասնավորապես՝ օդուժը, կսկսի ավելի ակտիվ նախապատրաստվել Իրանի միջուկային օբյեկտներին հնարավոր հարված հասցնելուն։ Այս քայլի ժամանակը պատահական չէ, նշում է «Մանրամասներ» հրատարակությունը։ Դա տեղի է ունենում իրանցիներին միջուկային գործարքի հարցով  բանակցությունների սեղանի շուրջը վերադարձնելու՝ ԱՄՆ-ի փորձերի ֆոնին: