ՀՅԴ Հայ Դատի Նիդերլանդների «Գարեգին Նժդեհ» երիտասարդական միութան անդամները ցույց են անցկացրել Հաագայի միջազգային դատարանի առջև

ՀՅԴ Հայ Դատի Նիդերլանդների «Գարեգին Նժդեհ» երիտասարդական միութան անդամները ցույց են անցկացրել Հաագայի միջազգային դատարանի առջև, որտեղ տեղի է ունեցել «Ադրբեջան ընդդեմ Հայաստանի» գործով հրատապ միջոցների վերաբերյալ բանավոր լսումները:

Հիշեցնենք, որ ՄԱԿ-ի Արդարադատության միջազգային դատարանում մեկնարկել է Ադրբեջանն ընդդեմ Հայաստանի գործով հրատապ միջոցների վերաբերյալ բանավոր լսումները: Հայցվորի կողմից ներկայացվել են հրատապ միջոցներ կիրառելու վերաբերյալ պահանջները, որոնց ի պատասխան Հայաստանի Հանրապետությունը ներկայացրել է հիմնավոր հակափաստարկներ:

Լսումների ընթացքում ՄԻԵԴ-ում Հայաստանի ներկայացուցիչ Եղիշե Կիրակոսյանը ներկայացրել էր բազմաթիվ ապացույցներ, որոնք վկայում են Ադրբեջանի կողմից էթնիկ զտման մտադրության, հայ գերիներին խոշտանգելու, նվաստացնելու մասին:

«ՄԱԿ-ի Միջազգային դատարանը պետք է միջանկյալ միջոցներ ձեռնարկի Ադրբեջանի դեմ ՝ Հայաստանի կողմից ներկայացված ռասայական խտրականության բոլոր ձևերի վերացման միջազգային կոնվենցիայի խախտման վերաբերյալ հայցի քննարկման ընթացքում: Ադրբեջանի իշխանությունները շարունակում են հայերի նկատմամբ դաժանությունները, ինչպես նաև՝ իրենց վերահսկողության տակ անցած տարածքներում հայկական պատմամշակութային արժեքները ոչնչացնելու քաղաքականությունը: Ազգությամբ պայմանավորված ատելությունն այնքան տարածված է, որ դրանից տառապում է գրեթե ողջ ադրբեջանական հասարակությունը։ Սերնդեսերունդ սերմանում են վախ եւ ատելություն ամեն ինչի նկատմամբ, ինչ կապված է Հայաստանի հետ»- հայտարարել էր Կիրակոսյանը։