Չավուշօղլուն անդրադարձել է Բաքվի և Երևանի միջև կապեր հաստատելուն

Թուրքիայի արտգործնախարար Մևլյութ Չավուշօղլուն Ուկրաինայի Լվովի համալսարանում ելույթ ունենալիս հայտարարել է, թե ինչ պետք է անեն Ադրբեջանն ու Հայաստանը համագործակցություն հաստատելու համար:

«Դրան կարելի է հասնել նորարարական մտածողության և գործնական դիվանագիտության միջոցով»,- ասել է նա, ապա հավելել. «ԽՍՀՄ փլուզումից հետո Սևծովյան տնտեսական համագործակցության կազմակերպության ստեղծումը նորարարական գաղափար էր: Ռուսաստանը, Ուկրաինան, Հայաստանը, Ադրբեջանը, Հունաստանը և Թուրքիան, որոնք ունեն տարբեր խնդիրներ, կարող են միավորվել նորարարական մտածողության և գործնական դիվանագիտության օգնությամբ՝ ռեակտիվ դիվանագիտության փոխարեն»:

Թուրքիայի ԱԳՆ ղեկավարը խոսել է նաև եռակողմ և քառակողմ տարածաշրջանային համագործակցության առավելությունների մասին: