Չինաստանը և Հնդկաստանը զորք են կուտակել վիճելի տարածքների սահմանին

Չին-հնդկական սահմանին իրավիճակը դարձյալ վատթարացել է: Երկու կողմն էլ զորք են ուղարկել Հիմալայան շրջան. հաղորդում են հնդկական լրատվամիջոցները:

Նշվում է, որ Նյու Դելին լրացուցիչ 50 հազար զինծառայող է ուղարկել վիճելի սահմանամերձ տարածքներ: Չինաստանը, իր հերթին, արձագանքել է՝  զորք բերելով դեպի սահման:

Նշենք, որ 1962-ին երկու երկրների միջև պատերազմ սկսվեց վիճելի տարածքների համար, որում Հնդկաստանը պարտվեց, և Չինաստանը գրավեց ռազմավարական նշանակություն ունեցող Աքսայչին շրջանը՝ դրանով իսկ կապելով Սինցզյան և Տիբեթ շրջանները: Հնդկաստանում այս տարածքները դեռ համարում են իրենց Լադակխի շրջանի մաս: Պատերազմից հետո ձևավորված սահմանները չեն հաստատվել, և վիճելի տարածքների խնդիրը դեռ լուծված չէ: