ԱՄՆ-ը դարձյալ սպառնացել է Թուրքիային պատժամիջոցներով

ԱՄՆ Սենատի արտաքին հարաբերությունների հանձնաժողովը, որին մտահոգում է Թուրքիայի կողմից ռուսական Ս-400 հակաօդային պաշտպանության համակարգերի ձեռք բերումը, Անկարային սպառնացել է լրացուցիչ պատժամիջոցներով, եթե Ռուսաստանի հետ նոր համաձայնագրեր կնքվեն:

Ավելի վաղ ամերիկյան CBS հեռուստաալիքին տված հարցազրույցում Թուրքիայի նախագահ Ռեջեփ Թայիփ Էրդողանը հաստատել էր, որ Անկարան մտադիր է մոտ ժամանակներս գնել ռուսական Ս-400- ների հերթական խմբաքանակը: Էրդողանի խոսքով՝ այս հարցի լուծումը բացառապես Թուրքիայինն է, ոչ մի երկիր իրավունք չունի միջամտելու իր գործերին:

«Մենք շատ հստակ պարզաբանել ենք՝ գրելով CAATSA-ն (Պատժամիջոցների միջոցով Ամերիկայի հակառակորդներին դիմակայելու մասին)»,- ասվում է Սենատի հանձնաժողովի հաղորդագրության մեջ, որը հրապարակվել է Twitter-ում։