Էրդողանը ՄԱԿ-ի ամբիոնից անդրադարձել է Արցախյան խնդրին

Կովկասում խաղաղության և կայունության ապահովման տեսանկյունից` վերջին շրջանում կարևոր քայլեր են ձեռնարկվել. ըստ «Անադոլու» գործակալության` Թուրքիայի նախագահ Ռեջեփ Թայիփ Էրդողանն ասել է ՄԱԿ-ի Գլխավոր ասամբլեայի ամբիոնից համաշխարհային հանրությանը ուղղված իր ուղերձում:

Էրդողանը նշել է, որ Ադրբեջանն իբր, «կիրառելով ինքնապաշտպանության իր իրավունքը և կյանքի կոչելով ՄԱԿ-ի Անվտանգության խորհրդի չկատարված բանաձևերը, վերջ է դրել իր տարածքների օկուպացիային»: «Այս գործընթացը նաև նոր հնարավորություններ է բացում տարածաշրջանում կայուն խաղաղություն հաստատելու համար: Թուրքիան մտադիր է աջակցել կողմերի յուրաքանչյուր դրական քայլին»,– նշել է թուրք նախագահը։