Ամերիկացիների և բրիտանացիների պատրաստած աֆղանցի զինվորականներն անցել են թալիբների կողմը

Փանջշիր նահանգի համար մղվող մարտերում թալիբները փորձում են հնարավորինս քիչ ապստամբներ սպանել: Սա կարող է մատնանշել այն, որ Աֆղանստանի անվտանգության ուժերն անցել են թալիբների կողմը. ասում են բրիտանացի ռազմական վերլուծաբանները:

Նրանք նշում են, որ ամերիկացի և բրիտանացի հրահանգիչների պատրաստած աֆղանցիներն այլ ելք չունեին: Նրանք գործնականում ստիպված էին պայքարել թալիբների դեմ մահվան կամ երկար տարիների ազատազրկման սպառնալիքի տակ:

Բրիտանական բանակի հրահանգիչներից մեկը բացահայտել է աֆղանցիների՝ թալիբների կողմն անցնելու մասին տեղեկատվությունը: Նա բացատրել է, որ Աֆղանստանից եկած լուսանկարում շարժման ներկայացուցիչներից մեկը շատ պրոֆեսիոնալ կերպով է ատրճանակ պահում: Թալիբները դա անում են «ինչպես որ պատահում է», ուստի, ամենայն հավանականությամբ, նկարում եղել է շարժման կողմն անցած զինվորական:

Հրահանգիչ և լրագրող Բարբարա Քելեմենին վստահ է, որ Աֆղանստանի անվտանգության ուժերի մեծ մասն արդեն համալրել է թալիբների շարքերը: Ինչ-որ մեկը դա արել է իր և իր ընտանիքի անվտանգությունն ապահովելու համար, ինչ-որ մեկն էլ նախկինում կապված է եղել գրոհայինների հետ կամ հետապնդել է տնտեսական շահ: