Պատերազմի հետևանքով Շուշիից բերված գորգերի ճակատագիրը անորոշ է

10 տարի առաջ այս օրը Վարդան Ասծատրյանի նախաձեռնությամբ բացվել է Շուշիի գորգերի թանգարանը: Սակայն վերջին պատերազմի հետեւանքով  թանգարանի փրկված նմուշները տեղափոխվել են Երեւան եւ տեղակայվել Ալեքսանդր Թամանյանի անվան թանգարան-ինստիտուտի շենքում:

Շուշիի գորգերի թանգարանի տնօրենը նշում է, որ քանակական առումով գորգերի 70 տոկոսն է փրկվել, իսկ որակական առումով՝ մոտ 90: Այս պահին թանգարանային նմուշների ճակատագիրը, ըստ Ասծատրյանի, մնում է անորոշ, քանի որ Հայաստանում դեռեւս չկա գորգերի թանգարան, որտեղ էլ նմուշները մշտական ցուցադրության կներկայացվեն:

Մինչդեռ թշնամին Շուշիում, հենց Գորգերի թանգարանի շենքում՝ ադրբեջանական գորգերի թանգարան է բացել եւ ցուցադրություններ կազմակերպել:

Նշենք, որ «Երկիր մեդիա» հեռուստաընկերության «Երկրի հյուրասրահ»-ի տաղավարում էր Շուշիի գորգերի թանգարանի հիմնադիր Վարդան Ասծատրյանը։