Թալիբներն Իրանին են փոխանցել ամերիկյան ռազմական տեխնիկան

Սոցիալական ցանցերում հայտնվել են Իրանում նկարահանված՝ Միացյալ Նահանգների արտադրության ռազմական տեխնիկայի լուսանկարներ, որոնք, հավանաբար, պատկանում են աֆղանական բանակին. հայտնում է Al-Arabiya հեռուստաալիքը:

Լուսանկարներից մի քանիսը ցույց են տալիս, որ Humvee արտաճանապարհային մեքենաները իրանական բանակի բեռնատարների վրա ուղևորվում են ինչ-որ տեղ: Լուսանկարներն արվել են Սեմնան և Գերմսար քաղաքները կապող մայրուղում:

Բիսմիլլահ Խան Մոհամմադին, որը մինչ «Թալիբան»-ի իշխանության հաստատումը երկրում  Աֆղանստանի պաշտպանության նախարարի պաշտոնն էր զբաղեցնում, մեկնաբանել է այս լուսանկարներից մեկը՝ Իրանին անվանելով «վատ հարևան»:

Իրանի իշխանությունները դեռ չեն մեկնաբանել այս լուսանկարները: Իր հերթին «Ալ Արաբիա»-ն չի կարողացել հաստատել սոցիալական ցանցում տեղադրված պատկերների իսկությունը: