Իսրայելի նախագահը Էրդողանին առաջարկել է «մեկ բաժակ սուրճի սեղանի շուրջը լուծել տարաձայնությունները»

Իսրայելի նախագահ Իցհակ Հերցոգը իսլամական արվեստի թանգարանում «Սուրճ. Արևելք և Արևմուտք» ցուցահանդեսի շնորհանդեսի ժամանակ փաստաթուղթ է ուղարկել  Ռեջեփ Թայիփ Էրդողանին. «Եթե մենք նստենք մեկ բաժակ սուրճի սեղանի շուրջը, ապա մեր միջև տարաձայնությունները չեն թվա այդքան անլուծելի»։

Հերցոգը նշել է 11 տարի անց Թել Ավիվում Թուրքիայի դեսպանության առաջին մշակութային կցորդ Սելիմ Օզթուրքի նշանակման մասին: «Նա շատ է օգնել ցուցահանդեսն անցկացնելուն»,- ասել է Իսրայելի նախագահը:

Իսկ Israel Today-ի հետ զրույցում թուրք բարձրաստիճան պաշտոնյան շեշտել է, որ  Էրդողանի և Նաֆթալի Բենեթի զրույցը կարող է տեղի ունենալ որոշ ժամանակ անց. «Դա կախված է իրադարձությունների ու երկու երկրների հարաբերությունների հետագա զարգացումից»:

Սելիմ Օզթուրքը իր հերթին պատասխանել է Հերցոգին. «Վստահ եմ, որ տարածաշրջանային առաջնորդների կողմից սեղանի շուրջը մեկ բաժակ «թուրքական սուրճ» խմելը կարող է օգնել լուծել շատ խնդիրներ»: