Իսրայելական Pegasus ծրագիրը գաղտնալսել է Մակրոնին, Իրաքի ու Պակիստանի նախագահներին և 50 հազար այլ քաղաքական գործիչների

Լրատվամիջոցները հայտնում են, որ Իրաքի նախագահ Բարհամ Սալիհի հեռախոսահամարը ներառվել է իսրայելական լրտեսող Pegasus ծրագրի ցուցակում։ Նրանք լրտեսել են նաև Էմանուել Մակրոնին, Պակիստանի նախագահ Իմրան Խանին և աշխարհի շատ այլ քաղաքական գործիչների՝ ինչպես ներկայիս, այնպես էլ նախկին:

Ըստ The Washington Post–ի՝ Pegasus–ում առկա 50,000 համարների ցուցակում հայտնաբերվել են հարյուրավոր քաղաքական գործիչների, դիվանագետների և լրագրողների համարներ:

Pegasus ծրագիրն ի վիճակի է ներթափանցել սմարթֆոններ և գողանալ հաղորդագրությունները, ձայնագրել խոսակցությունները, մուտք գործել սոցիալական ցանցեր, տիրապետել գաղտնաբառերին, նկարներին, տեսանյութերին: Նույնիսկ հեռակա կերպով միացնել տեսախցիկն ու խոսափողը: Այս ամենը տեղի է ունենում առանց հեռախոսի տիրոջ իմացության:

Իսրայելի պաշտպանության նախարարությունը հավաստիացնում է, որ Իսրայելին հասանելի չէ մասնավոր ընկերության կողմից մշակված ծրագրով հավաքված տեղեկատվությունը: