Իրանը Քաբուլ է ուղարկել Աֆղանստանից փախած սահմանապահներին

Աֆղանստանի սահմանապահները, որոնք Իրան էին փախել թալիբների հարձակման պատճառով, ինքնաթիռով ուղարկվել են Քաբուլ: Այդ մասին հաղորդում է Tasnim գործակալությունը՝ հղում անելով Իրանի ոստիկանության ներկայացուցչին:

Պարբերականի տվյալներով՝ սահմանապահներից վերցվել է զենքը՝ նախքան Իրանում նրանց ընդունելը: Նրանք ուղարկվել են Քաբուլ՝ Աֆղանստանի կառավարության խնդրանքով:

Աֆղանստանում, ամերիկյան զորքերի դուրսբերման ֆոնին, կառավարական ուժերի ու թալիբների միջև դիմակայությունը սրվել է: Հուլիսի 9-ին հաղորդվել է, որ «Թալիբան» շարժումը վերահսկում է Իրանի հետ սահմանին գտնվող անցակետերը: Թալիբները պնդում են, որ իրենք արդեն վերահսկում են Աֆղանստանի տարածքի 85%-ը, որը լքել է միջազգային ռազմական զորակազմի մեծ մասը: