Քուրդ զինյալները թուրքական տանկ են ոչնչացրել թուրքական ուժերի հարձակման ժամանակ

Երկուշաբթի` հունիսի 28-ին, Հալեպից արևելք ընկած Մանբիջի հյուսիսային ծայրամասում գտնվող Ալ Ջաթ գյուղի մոտ կատաղի բախումներ են տեղի ունեցել Մանբիջի ռազմական խորհրդի և թուրքական բանակի ու նրա աջակցությունը վայելող SNA-ի (Սիրիայի ազգային բանակ) միջև. հայտնում է Աֆրինի իրավապաշտպան կազմակերպությունն իր ֆեյսբուքյան էջում:

Մանբիջի Սիրիայի ժողովրդավարական ուժերի մարտիկներին հաջողվել է ոչնչացնել թուրքական տանկը՝ կիրառելով ջերմային հակատանկային կառավարվող հրթիռ, երբ թուրքական ուժերը առաջացել են դեպի Մանբիջի խորհրդի դիրքերը:

Հարևան գյուղերի բնակիչները ստիպված են եղել լքել իրենց տները թուրքական հրետանու կողմից իրենց տների և բնակելի տարածքների հրետակոծության պատճառով: