Ռուսաստանը ռազմաբազա կկառուցի Սուդանում

Ռուսաստանը ռազմաբազա է կառուցելու Սուդանում: Այս մասին նշված է իրավական տեղեկատվության պաշտոնական պորտալում հրապարակված հրամանագրում. գրում է «Lenta.ru»-ն:

Փաստաթղթի համաձայն՝ կառավարությունը հավանություն է տվել և Պետդումայի վավերացմանն է ներկայացնելու Սուդանում ռազմածովային բազա կառուցելու մասին համաձայնագիրը:

Խոսքը Կարմիր ծովում Ռուսաստանի ռազմածովային ուժերի լոգիստիկ կենտրոնի մասին է: Մոսկվան և Խարտումը համաձայնագիր են ստորագրել 2020 թ.. ըստ դրա՝ աֆրիկյան հանրապետությունը հող կտրամադրի Ռուսաստանի ռազմածովային բազային, որը կարող է տեղավորել ոչ ավելի, քան չորս նավ, ներառյալ՝ ատոմային էներգիայով սնվողները:

Հունիսի 1-ին Սուդանը հայտարարել է, որ ցանկանում է վերանայել պայմանագիրը: Սուդանի զինված ուժերի շտաբի պետ Մուհամմադ Ուսման ալ Հուսեյնը հիշեցրել է, որ համաձայնագրերը կնքվել են Սուդանի նախկին կառավարության եւ Ռուսաստանի միջև: Ռազմական դիվանագետների լիգայի փոխնախագահ Վլադիմիր Վինոկուրովը համարել է, որ նման հայտարարությունը Միացյալ Նահանգների ճնշման հնարավոր հետևանքն է: