ԱՄՆ-ն արգելափակել է իրանական 36 կայք

ԱՄՆ արդարադատության նախարարությունը հաստատել է իրանական Իսլամական ռադիոյի և հեռուստատեսության միության (IRTVU) կողմից օգտագործվող 33 իրանական կայքերի, ինչպես նաև «Քաթաիբ Հըզբոլլահ» խմբավորման կողմից վերահսկվող երեք կայքերի արգելափակումը. ասվում է գործակալության կայքում:

«Դատարանի որոշման համաձայն՝ ԱՄՆ-ն արգելափակել է Իրանի իսլամական ռադիոյի և հեռուստատեսության (IRTVU) 33 կայքեր և «Քաթաիբ Հըզբոլլահ»-ի կողմից ղեկավարվող երեք կայքեր»,- մեջբերում է RBC-ն:

Արդարադատության նախարարությունը հիշեցնում է, որ նախորդ տարվա հոկտեմբերին ԱՄՆ գանձապետարանն իր պատժամիջոցների ցուցակում ավելացրել է IRTVU-ն: Վաշինգտոնում IRTVU-ն մեղադրվում է ապատեղեկատվություն տարածելու մեջ` ԱՄՆ-ի ընտրությունների արդյունքի վրա ազդելու համար: