Վանաձորի 23/47 տեղամասում վերահաշվարկի արդյունքում «Հայաստան» դաշինքի ձայների թիվն ավելացել է 10 անգամ. փաստաբան

Վանաձորի 23/47 տեղամասում կատարված վերահաշվարկի արդյունքում «Հայատան» դաշինքի ձայների թիվն ավելացել է 10 անգամ: Այս մասին իր ֆեյսբուքյան էջում գրել է փաստաբան, «Հայաստան» դաշինքի անդամ Ռոբերտ Հայրապետյանը:

«Մինչ սեփական նեղ շրջանակի փառաբանման հույսով ապրող տարատեսակները քննադատում են մեզ ընտրությանը մասնակցելու, մանդատ վերցնելու և կրել-կրվելու համար՝ Վանաձորի 23/47 տեղամասում կատարված վերահաշվարկի արդյունքում «Հայատան» դաշինքի ձայների թիվն ավելացել է 10 անգամ:

Տեր ենք լինելու մեզ վստահած յուրաքանչյուր քաղաքացու ձայնին»,- գրել է նա:

Ավելի վաղ ԿԸՀ-ն հայտնել էր, որ 70-ից ավելի ընտրական տեղամասերում վերահաշվարկի աշխատանքներ կլինեն:

Տես նաև՝  Վանաձորի ընտրատեղամասերից մեկում «Հայաստան» դաշինքի 100 քվեի փոխարեն գրվել է 10:

Տես նաև՝  Ձայների վերահաշվարկով «Հայաստանի» քվեները 10-ից դարձել են 100. կեղծված ընտրություններից մի դրվագ:

Տես նաև՝  70-ից ավելի ընտրատեղամասերում վերահաշվարկ տեղի կունենա. ԿԸՀ: