Չավուշօղլուն հորդորել է Հայաստանին՝ «դասեր քաղել իր սխալներից»

Համաշխարհային հանրությունը պետք է հարգի Ադրբեջանի տարածքային ամբողջականությունը. ըստ Anadolu-ի՝ չորեքշաբթի հայտարարել է Թուրքիայի արտգործնախարար Մևլյութ Չավուշօղլուն Անթալիայում Դիվանագիտական ֆորումի նախապատրաստման ժամանակ։

Չավուշօղլուի խոսքով՝ Թուրքիան հանդես է գալիս Հարավային Կովկասում կայունության և խաղաղության օգտին: «Ադրբեջանը հասավ իր հողերի ազատագրմանը: Բոլոր երկրները պետք է հարգեն Ադրբեջանի տարածքային ամբողջականությունը» - ասել է թուրք նախարարը:

Նա շեշտել է, որ տարիներ շարունակ տարածաշրջանային համագործակցությունից մեկուսացված Հայաստանը պետք է դասեր քաղի տարածաշրջանում ընթացող գործընթացներից, որոնք կապահովեն տարածաշրջանում խաղաղություն:

Չավուշօղլուն նշել է, որ Հարավային Կովկասում տիրող իրավիճակը կքննարկվի նաև Անթալիայի Դիվանագիտական ֆորումում: