Փաշինյանի իշխանությունը պետք է դասեր քաղի Իվանիշվիլիի կուսակցության թույլ տված սխալներից. վրացագետ

Հայաստանի նոր իշխանությունները պետք է դասեր քաղեն Վրաստանի՝ «Վրացական երազանք-ժողովրդավարական Վրաստան» քաղաքական ուժի թույլ տված սխալներից. Երևան-Թբիլիսի տեսակամրջի ընթացքում կարծիք հայտնեց  վրացագետ Ջոնի Մելիքյանը՝ շեշտելով, որ այն, ինչ տեղի ունեցավ «Վրացական երազանքի» իշխանության գալուց  հետո, լավագույն վկայությունն է նրա, թե ինչպես չպետք է վարվել:

«2012-ին իշխանության գալուց հետո «Վրացական երազանքը» թույլ տվեց մի շարք սխալներ, որոնք ծայրաստիճան հիասթափեցրեցին ընտրազանգվածին, որը ժամանակին ակտիվ քվեարկել էր նրա օգտին 2012-ի և 2016-ի խորհրդարանական ընտրությունների ժամանակ: Սա պետք է մեզ համար ուսանելի լինի»,- շեշտեց վրացագետը: