ՆԱՏՕ-ի գագաթնաժողովը չի նշի Վրաստանի և Ուկրաինայի՝ դաշինքին միանալու հնարավոր ժամկետները

ՆԱՏՕ-ի գագաթնաժողովը չի հայտարարի Ուկրաինայի և Վրաստանի՝ դաշինքին անդամակցելու որևէ ժամկետ կամ հնարավոր ժամկետ, միայն կհաստատվի, որ ՆԱՏՕ-ի դուռը բաց է մնում, և Ռուսաստանը վետո չունի այս գործընթացում: Այս մասին հայտնել է ՆԱՏՕ-ի գլխավոր քարտուղար Իենս Ստոլտենբերգը՝ երկուշաբթի ելույթ ունենալով գերմանական «Մարշալ» հիմնադրամում դաշինքի գագաթնաժողովին ընդառաջ կազմակերպված առցանց քննարկման ժամանակ. հաղորդում է ՏԱՍՍ-ը:

«Մենք կհաստատենք Վրաստանի և Ուկրաինայի վերաբերյալ Բուխարեստի գագաթնաժողովի  որոշումը, ըստ որի՝ ՆԱՏՕ-ի դուռը բաց է մնում, և Ռուսաստանը ազդեցություն չունի այս գործընթացի վրա: Մենք այն ժամանակ ոչինչ չենք ասել անդամակցության պայմանների մասին և հիմա չենք խոսելու»,-ասել է գլխավոր քարտուղարը: