Փաշինյանին ՔՊ շտաբում չեն դիմավորել, քաղաքացիներն էլ վանկարկել են կապիտուլյանտ. Yerevan.today

Yerevan.today-ը գրում է. «Այսօր՝ մայիսի 28-ին, Սարդարապատի հերոսամարտի հուշահամալիրից անմիջապես հետո վարչապետի պաշտոնակատար Նիկոլ Փաշինյանն այցելել է Երեւանի Մալաթիա-Սեբաստիա վարչական շրջանի Հարավարեւմտյան Բ3 թաղամաս, որտեղ գտնվող «Քաղաքացիական պայմանագիր» կուսակցության գրենասյակում տեղակայված է կուսակցության շտաբը:

Մեր աղբյուրների փոխանցմամբ՝ նրան շտաբում դիմավորող չի եղել: Ավելին՝ անցնող ավտոբուսներից քաղաքացիները հայհոյել են եւ դավաճան, կապիտուլյանտ վանկարկումներով դիմել Փաշինյանին:

Նշենք, որ այս պահին դեռ Փաշինյանը գտնվում է շտաբում, իսկ թաղապետ Դավիթ Կարապետյանին հրահանգվել է վարչապետի պաշտոնակատարի հետ հանդիպման տանել թաղապետարանի աշխատակիցներին: Մեզ հայտնի դարձավ նաեւ, որ Փաշինյանին ուղեկցում է 15 մեքենաների շարասյուն»։