Facebook-ը Իրանին և Ռուսաստանին ապատեղեկատվության հարցում առաջնորդներ է հայտարարել

Ըստ ամերիկյան Facebook սոցիալական ցանցի փորձագետների՝ Ռուսաստանը և Իրանը կեղծ հաշիվներ, էջեր և բովանդակություն ստեղծելու առաջատարներն են 2017 թվականից. հաղորդում է The Hill-ը:

Ընկերության ղեկավարությունը պնդում է, որ Ռուսաստանից և Իրանից օգտատերերը ավելի շատ են կեղծ էջեր և բովանդակություն ստեղծում, քան մյուսները, որոնք մոլորեցնում են օգտվողներին:

Նշվում է, որ 2017 թվականից ի վեր Facebook-ն արգելափակել է Ռուսաստանում և Իրանում ստեղծվող շուրջ 150 ցանց՝ իբր ոչ ճիշտ պահվածքի համար: Հաշիվները, էջերն ու խմբերը արգելափակվել են:

Ընկերությունը նշել է, որ մեծ աշխատանք է կատարվել ապատեղեկատվությանը արագ արձագանքելու ուղղությամբ:

Ավելի վաղ ԱՄՆ օրենսդիրները մեղադրել էին Google-ի, Facebook-ի և Twitter-ի գլխավոր տնօրեններին, որ նրանց ընկերությունները մեծ դեր ունեն ապատեղեկատվության տարածման մեջ: