Թուրքերին սյունեցիներին վայել պատժել ենք, թե քանի վիրավոր ունեն, տեղյակ չեմ. Առուշ Առուշանյան

Մեր ոչ մի զինվորի էլ լուրջ բան չի եղել, բայց թշնամուն լիքը բան է եղել, ադրբեջանցուն «քացու տակ ենք գցել», փախել են։ Այս մասին MediaHub.am-ի հետ զրույցում ասել է Գորիսի համայնքապետ Առուշ Առուշանյանը։

«Թուրքերին ոնց պետք ա՝ պատժել ենք։ Թե քանի վիրավոր ունեն, տեղյակ չեմ, բայց սյունեցիներին վայել պատժել ենք»,- ասել է Առուշանյանը։

Առուշանյանը նշել է, որ տեղյակ չէ Աննա Հակոբյանի՝ Սյունիք կատարած այցից, նրան չի հանդիպել և չի էլ նախատեսվում։

Հիշեցնենք, որ ՀՀ գլխավոր դատախազությունը հայտարարություն էր տարածել՝ ըստ որի հայերի և ադրբեջանցիների ծեծկռտուքի հետևանքով 11 զինծառայող է վնասվածք ստացել։ Ծեծկռտուքի դեպքի առթիվ քրեական գործ է հարուցվել։

Տես նաև՝ Խոզնավար գյուղի հատվածում հայ և ադրբեջանցի զինծառայողների միջև տեղի ունեցած ծեծկռտուքի հետևանքով վնասվածք է ստացել 11 հայ զինծառայող. հարուցվել է քրգործ:

Տես նաև՝ ՊՆ 10 զինծառայող միջին և թեթև վնասվածքներով տեղափոխվել է Գորիսի ԲԿ. Սյունիքի մարզպետարան: