Ռուսաստանը պատրաստ է կարգավորել հակամարտությունը Հայաստանի և Ադրբեջանի սահմանին. Լավրով

Ռուսաստանը Հայաստանին և Ադրբեջանին աջակցություն է առաջարկել սահմանների սահմանազատման և գծանշման հարցերում: Այս մասին երկուշաբթի լրագրողներին ասել է ՌԴ ԱԳ նախարար Սերգեյ Լավրովը. հայտնում է «ՌԻԱ Նովոստի»-ն:

«Ինչ վերաբերում է ադրբեջանա-հայկական սահմանին տիրող իրավիճակին, ապա ադրբեջանական կողմը այս միջադեպից հետո հանդես եկավ հայտարարություններով, որոնք բացատրում էին թյուրիմացությունը, և որ ամենակարևորն է` սահմանի բացակայությունը, որը կսահմանազատվի և կսահմանագծվի:  Մենք կողմերին առաջարկել ենք սկսել նման աշխատանքներ: Մենք պատրաստ ենք նրանց օգնել այս հարցում՝ և՛ քարտեզագրական նյութեր, և՛ խորհրդատվական ծառայություններ տրամադրելով»,- ասել է նա՝ հավելելով, որ հայ-ադրբեջանական սահմանին տիրող իրավիճակի շուրջ զգացմունքներ հարուցելու պատճառ չկա։